NATIONAL NEWS- Utro nga gindalagan ha ospital hi Pastor Apollo Quiboloy han Kingdom of Jesus Christ (KOJC) mahuman nga maka-abat hin pagkuri ha paginhawa.
Sumala kan Bureau of Jail Management and Penology (BJMP) spokesperson JSUPT. Jayrex Bustinera, dayon nga ginbuligan han ira tinaglawas hi Quiboloy.
Presente naman nga ada ha kustodiya han BJMP hi Quiboloy kasumpay han mga kaso nga ginpasaka kontra ha iya kalakip na an human trafficking ngan sexual abuse.
Ginsigurado han BJMP nga padayon nga ginmomonitor an iya kabutang agud nga masigurado an katalwasan ngan panlawas han pastor samtang ada ha ira ilarom.
Gintagan duon ni Bustinera nga waray ginhahatag nga espesyal nga pagtratar kan Quiboloy ha sulod han pasilidad, ngan tanan nga pitad in alinsunod ha standard medical protocols han BJMP.
