METRO MANILA – Andam igbuyagyag ni former Ilocos Sur Governor Chavit Singson an iya nahibabaruan kasumpay han maanomalya nga flood control projects han gobyerno.
Subay han opisyal, may ada niya igtutudlok nga dumaragko nga personalidad, ha oras nga umatubang ine ha ginbubuhat nga hearing ha Senado.
Ha nagin pamakiana han Bombo Radyo ha anay gobernador, ginsigurado hine nga itutudlok hine an mga indibidwal nga dabi ha anomalya.
Ha kaluyo hine, bumaribad anay an opisyal nga igbuyagyag kun hino o ano nga partikular nga posisyon an mga ine, mahitungod nga ha Senado la ine niya babatunon.
Nadire gihapon hiya nga pangunahan an hearing han Senate Blue Ribbon Committee kasumpay han imbestigasyon han kontrobersyal nga mga proyekto.
Ha lain nga bahin, gin-kansela anay han Senado an utro nga pagbabalik han komite para igpadayon an hearing ha imbestigasyon.
Nakatalaan ine pagbuhaton ha ika-14 han Abril pero waray madayon mahitungod nga ginhuhulat pa nga pormal nga isumite ni former Gov. Singson an iya affidavit.
Pati an pirma han pira nga mga Senador ngan iba pa nga rason in ginkokonsiderar gihapon han pagkansela han nakatalaan nga petsa.
