TACLOBAN CITY – Nakatalaan nga ig-implementar han Commission on Population (POPCOM) an panibag-o nga programa nga Parent-Teen Talk nga nagpapanuyo nga mas mapaupay an relasyon han mga kag-anak ha ira mga anak.
Sumala kan Melanie Alberto, Assistant Regional Director han POPCOM 8, buwas nga adlaw in nakatalaan nga igpakilala an mao nga programa ngan kun ano an panuyuan.
Dugang pa hini nga an mao nga programa in kaparte han Adolescent Health and Development Program (ASD) han POPCOM kun diin panuyo hini nga magkaada hin open communication an mga anak ha ira mga kag-anak.
Gin-aaghat gihapon hini nga programa nga maintindihan han mga anak nga mas maupay nga ipakiana ngan igsumat ha ira mga kag-anak an ira mga gin-aabat kontra ha ira mga kasangkayan ngan ha social networking sites.
An mao nga programa in nagpapanuyo nga diri maipahamtang ha mga kabataan nga diri magsekreto ha ira mga kag-anak ngan diri mapariwara ha ira kinabuhi.
