TACLOBAN CITY– Ginpahibaro han Municipal Health Office han Paranas Samar, nga han Enero pa ginpilarom an Paranas Samar ha dengue outbreak.
Sumala kan Dr. Francis Langi Jr. Municipal Health Officer, Paranas Samar, ha pagkayana mayda na hira kaso nga 316 cases mas hitaas ine han nakalabay nga tuig, kun diin han nakalabay in waray umabot hin usa kagatos an ihap han mga naduktan han dengue.
Dugang pa hine, nga an mga nagpositibo naman han dengue ha ira lugar in naka-admit yana ha ospital, agud nga mapanginano an kabutangan han mga ine.
Nagsughestyon ine nga magdumara hin search and destroy sources, ngan kinahanglan dinhe an pakikipag-urusa han komunidad.
Ginpahibaro naman ni Langi, nga ada ha 16 nga barangay an apektado ha Paranas Samar.
Ginmalatumat naman hine nga an pinakabata nga naduktan han dengue in ada ha 6 months old, samtang an pinaka lagas naman in nag-eedad ha 62-anyos an pangidaron.
