-- Advertisements --
TACLOBAN CITY – Ginkikita nga an quarterly nga paglimpyo han planta an rason han pagkawaray awas hiton tubig ha pira nga parte han siyudad.
Sumala kan Leyte Metropolitan Water District General Manager, Ronnie Cornico nga an ira panlimpyo partikular na an sedimentation basin in an rason han pagkawaray ngan paghinay hiton awas han pira nga parte han siyudad ngan ha linya tipakadto Pastrana, Leyte dida han mga nakalabay nga adlaw.
Dugang hini nga kinahanglan mangud nira limpyohan an mao nga planta agud nga dire magin mabaras ngan malubog an tubig nga gingagamit han mga konsumidor.
Samtang, nangaro naman ini hin pag-intinde ha mga consumers nga naapektaran dida han nakalabay nga mga adlaw matungod han ira ginbuhat nga maintenance.
