NATIONAL – Naaatubang ha panibag-o nga reklamo hi anay Department of Health Secretary ngan presente nga Iloilo 1st district Rep. Janette Garin may paghisumpay la gihapon ha mga pagkamatay nga iginkokonekta ha pagtuturok han dengvaxia vaccine ha mga kabataan dida han rehimen ni anay Presidente Benigno Aquino III.
Igin salawad an upat nga complainant an reklamo para ha reckless imprudence resulting in homicide kontra kan Garin ngan mga anay opisyal han gobyerno.
Gin akusaran gihapon an mga ine han pagtalapas ha Anti-Torture Act of 2009 ngan Consumer Act of the Philippines ngan Philippine Pharmacy Act.
An pagsasalawad han panibag-o nga reklamo kontra kan Garin ngan iba pa in usa kaadlaw la mahuman nga ig basura han Department of Justice an 19 nga ihap han kaso nga reckless imprudence resulting in homicide nga igin salawad kontra kan Garin ngan iba pa.
Samtang, igin pahayag naman ni Rep. Garin nga ira huhulaton an kopya han reklamo pero posible daw nga parehas an la an nasabi nga complaint ngan fake autopsy report.
Syahan hine, nagin kontrobersyal an pagtuturok han dengvaxia vaccine ha ilarom hadto han Aquino administration kun diin sekretarya hadto han DOH hi Garin mahuman nga mahipatik nga pira nga kabataan an namatay mahuman an gindumara nga immunization program kontra dengue ha mga eskwelahan gamit an Dengvaxia vaccine.
