TACLOBAN CITY– Gin-anunsiyo kanina la han aga ni Department of Social Welfare and Development Regional Office 8 Information Officer Vina Aquino nga may panibag-o nga guidelines para ha matatagan hin Financial Emergency Shelter Assistance o ESA para ha Siyudad hiton Tacloban.
Subay ngadto han guidelines, an mga pribado ngan pampubliko nga empleyado na head of the family ngan nakita hin 15,000 pahitaas in diri maaapi ha mga benipisaryo ha ESA.
Igindig-on naman ni Aquino nga an maaapi la ha mga benipisaryo kundi an mga head of the family la nga mas hamubo pa ha 15,000 ngan waray housing loan an matatagan han mao nga assistance.
Gin-almahan naman ini han mga yolanda survivors.
Sumala ha usa nga survivor nga hi “Margie”, kay-ano daw may mga guidelines pa nga pareho hini kay bisan mapapribado o pampubliko nga empleyado in biktima gihapon hin yolanda ngan nagkikinahanglan hin bulig pinansiyal.
Ha pagkayana, waray may magbabag-o ha mao nga guidelines ngan bisan pa man damo an umalma, in amo la gihapon an susundon ha DSWD.
