NATIONAL NEWS– Interesado an Pilipinas nga magkamayda an nasud hin waste-to-energy projects.
Ine an nagin pahayag ni Pangulong Ferdinand R. Marcos Jr. ha natabo nga transition han damo nga nasud ha paggamit han fossil fuels pakadto ha renewable energy.
Sumala hiton Pangulo, dako an iya interes ha nasabi n ga teknolohiya kun diin pwede ine nga makabulig ha basura ngan pagkakamayda hin kadugangan nga enerhiya.
Aminado naman an Presidente, nga mayda ine kalakip nga mga ayat nga kaka-atubangon ngan kinahanglan sakto an imprastraktura agud nga magamitan an enerhiya nga nagtitikang ha mga tambakan hiton basura.
Mababaruan nga nabug-os an ideya mahuman nga makipaghimangraw han Pangulo ha energy business sector han Brunei nga plano gihapon nga magtindog hin waste-to-energy plants.
