Nanawagan hi VP Sara Duterte ha publiko nga igpadayon an panawagan para ha pag-resign ni Pres. Ferdinand Marcos Jr. samtang ginakusaran an presente nga administrasyon han pan-aabuso han otoridad, korapsyon, ngan paggamit ha mga institusyon han gobyerno kontra ha mga kritiko.
Ginduon ni Duterte nga waray ebidensya an impeachment case kontra ha iya ngan ginsukna an Kongreso ha daw paggamit han otoridad hini agud magbiling la hin igkakaso kontra ha iya kampo.
Ginkwestyon gihapon han Bise Presidente an pagkapreso kan anay House Speaker Martin Romualdez kasumpay han kontrobersiyal nga flood control scandal ngan ginakusaran an administrasyon hin harassment ngan pagprubar nga patik-umon an mga senador ngan kaalyado nga dire abuyon ha administrasyon.
Samtang, sumala naman kan Lanao del Sur Rep. Zia Alonto Adiong, may klaro nga posible conflict of interest ha panawagan mahitungod hi Duterte mismo an pangunahon nga makakabenipesyon ngan mabalhin ha pwesto kun lumusad an Presidente.
Ginpalagan gihapon ni anay Surigao del Norte Rep. Ace Barbers an pahayag han Bise Presideente ngan ginmalatumat nga bisan man katungod hini igpahayag an iya opinyon, dapat lagihapon hini nga igrespeto an due process ngan an mga legal nga proseso ha mga kaso nga ginkakaatubang hini.
