TACLOBAN CITY – Padayon an gindudumara nga monitoring han Tacloban City Jail Female Dormitory ha ira mga Person’s Deprived of Liberty (PDLs) labi na yana nga duro hin kamapaso iton panahon.
Sumala kan J/SInsp Fe Reynalda Chan, Jail Warden hiton Female Dormitory Tacloban City Jail, mayda supresyente nga suplay hin tubig nga pan-karigo ngan pag-inom an mga PDLs kun diin ginpapakarigo daw nira an mga ine kada adlaw agud maibanan an kapaso nga gin aabat han mga ine.
May-ada gihapon tulo nga nurses an nasabi nga pasilidad nga nanginginano ngan nagche-check-up han mga PDLs agud mamonitor an health status han mga ine.
Mayda naman daw nira mga PDLs nga mayda mga hypertension o high blood pero mayda an mga ine maintenance nga gintutumar nga natikang ha regional office, City Health Office, ngan Department of Health.
Ha pagkayana in ada nala ha 35 an ira jail population kun diin umubos ine tikang ha 60 nga ihap mahitungod han padayon nga mga court hearings ngan paka-avail han mga ine han plea bargain.
