TACLOBAN CITY – Padayon an ginbubuhat nga operasyon han Tacloban City Veterinary Office ha pandakop hin mga layaw nga mga kaayaman ha syudad.
Una hini, nakakarawat na hin mga reklamo an City Veterinary office tikang ha pira nga mga bikers ngan motorista bahin han mga aksidente ha kadalanan tungod han layaw nga mga ayam.
Sumala kan Dra. Eunice Alcantara, head han City Veterinary Office han Tacloban, tungod nga uusa la nga team han ira buhatan an naglilibot ha mga barangay pandakop hin mga ayam, nagdesider hira nga igpailarom ha training an pira nga mga barangay tanod agud nga makabulig ha ira operasyon.
Dugang pa hini nga ha kada adlaw in maabot 30 an ira nadadakop nga mga layaw nga ayam kun diin ini in nangangaruyag signgon nga damo la gihapon an mga iresponsable nga mga pet owners ha syudad.
