-- Advertisements --
TACLOBAN CITY – Ginpahibaro han Tacloban City Veterinary Office, nga presente hira yana nagdudumara hiton panbakuna han ka-ayaman dinhe ha syudad.
Sumala kan Dra.Eunice Alcantara, Head han City Veterinary Office han Tacloban, nga alinsunod na gihapon ine han pagsalin-urog hiton Rabies Awareness Month yana nga Marso.
Ada naman ha 70-75% nga mabakunahan nga ka ayaman agud nga magin rabies-free na iton syudad.
Ginmalatumat naman hine nga han nakalabay nga Pebrero maabot na ha 4K nga mga na-ayaman an ira nabakunahan.
Ginpaangbit naman hine, nga libre naman an ira panbakuna ngan kun mayda man kabaraydan ine in para la ha registration.
Photo Courtesy: Tacloban City Veterinary Office
