TACLOBAN CITY – Nagtutuo an mga kasundaluhan nga taktika la han mga rebelde nga New Peoples Army (NPA) an ira ginbuhat nga pan-aatake ha Samar para mabal-in an atensyon han mga otoridad kasumpay han nagpapadayon nga Pacific Partnership ha syudad han Tacloban.
Sumala kan Capt. Reynaldo Aragones, Chief Division Public Affairs han 8th Infantry Division, nakikit-an han mga rebelde nga maupay an nahitatabo nga resulta ha gindudumara nga Pacific Partnership kun diin dako an naibubulig hini ha komunidad.
Sanglit, karuyag daw han mga rebelde nga mabal-in an atensyon han mga otoridad ha ira gindumara nga harassment labi na nga di na maiha an ira anibersaryo.
Gin-aghat naman hini an publiko nga diri pasagdan an rebelde nga grupo nga samukon ngan gub-on an ginbubuhat nga Pacific Partnership mahitungod nga mismo an mga molopyo an makakabenepisyo hini nga programa.
Nahibaruan nga an Pacific Partnership in usa nga kinada tuig nga deployment hin Pacific Fleet US Navy Forces kasugbong an mga regional governments ngan military forces.
