TACLOBAN CITY – Usa nga insidente hin pamusil an nahipatik ha Buraeun, Leyte.
Ginkilala an biktima nga usa nga lalaki, 46-anyos ngan residente han Brgy. Lanawan. McArthur, Leyte
Sumala kan PMaj. Ariel Salarda, Chief of Police hiton Burauen Municipal Police Station, nagbibiyahe ha provincial road tikang ha Brgy. Moguing tikadto ha Brgy. San Esteban ngan tipauli na ha ira balay ha Brgy. Lanawan an biktima kaupod an iya asawa ngan anak sakay han ira motorsiklo han tigda nala an mga ine nga ginsapitan hin duha nga suspek nga naka-motorsiklo gihapon ngan gin pamusil.
Dayun nga natumba an motor nga ginsasakyan han mga biktima mahuman nga mag-angkon hin igo ha ulo ngan ha wala nga tagirilan an biktima rason naman han dayun nga kamatayon hine.
Nag-angkon gihapon hin mga panggas ha kalawasan an asawa ngan anak han biktima pero talwas an mga ine ngan waray inig-an hin pusil.
Ha imbestigasyon han mga otoridad in nakakuha an mga ine hin duha nga basiyo han waray pa hisabote nga kalibre hin pusil.
Samtang. dayun naman nga nag-lockdown an nasabi nga lugar ngan nagpatuman hin checkpoint ngan gin alerto gihapon an mga kahigrani nga istasyon agud madakop an mga suspek pero pakyas an mga ine mahitungod nga nakaiskapo na an mga suspek.
Ha pagkayana in padayon pa naman an imbestigasyon han mga kapulisan agud mahibaruan an motibo ngan pangilal-an han mga suspek.
