TACLOBAN CITY – Nagtutuo an pira nga pamilya han namatay nga kapulisan ha nahitabo nga misencounter ha Sitio Lunoy, Barangay San Roque ha Sta. Rita, Samar nga diri na makab-ot an hustisya han mga ini.
Sumala kan Peter Noromor, tatay han usa ha mga guinpatay nga pulis nga hi PO1 Wyndell Noromor, nga waray kasiguraduhan nga makuha pa an hustisya hini mahitungod nga guin angkon ni Presidente Rodrigo Duterte an mga nabuhat nga sayop han kasundaluhan ngan maging han mga kapulisan.
Dugang pa ni Noromor nga waray nagpatapod an presidente nga magdumara hin imbestigasyon han nahitabo nga misencounter han duha nga kampo.
Guinduon naman hini nga waray na hini nahunahunai pa nga magpasaka hin kaso mahitungod nga masangko la guihapon ini kan Presidente Duterte.
Manunumduman nga nagbilin hin unom nga patay ngan siyam nga samaran nga kapulisan dida han makaengkwentro hini an mga kasundaluhan ha mao nga lugar.
