TACLOBAN CITY – Guinkukunsidera han usa nga professor nga pambabastos ha nasud Pilipinas an mga nahihipatik nga pang-atake han mga rebelde nga grupo.
Sumala kan Professor Elias Silva nga damo na an nabuhat nga kasamok han mga walhon nga grupo pero diri naman daw ini makakaapekto ha imahe han nasud ha luyo han kasikatan ni Presidente Rodrigo Roa Duterte.
Guin pananglitan pa ni Silva an natabo nga engkwentro ha Bohol, usa han mga birisitahon nga lugar ha nasud mahitungod han damo hini nga mag-upay nga kiritaon kun diin waray naman daw madarahigi an aspeto han turismo.
Naglalaum naman an mao nga professor nga maabot guihapon an kamurayawan han Pilipinas ha bulig ni Presidente Duterte mahitungod nga ini daw in may makusog nga kapasidad agud mapuypoy na an mga pang-atake ha mga rebelde nga grupo ha nasud.
May kalabutan hini, una nga guinklaro han Police Regional Office (PRO-8) nga waray presensya han mga terorista nga grupo nga mayda panhulga hin panbobomba ha Sinirangan Bisayas.
