TACLOBAN CITY – Nagpahinumdom an Tacloban City COMELEC nga kutob nala yana nga adlaw Hunyo 8, an pagsalawad han Statement of Contribution and Expenditures (SOCE) han mga kandidato han naglabay nga eleksyon han Mayo 9.
Sumala kan Atty. Ramon Dadulla Jr., COMELEC Officer han Tacloban, ginlalauman nira yana nga adlaw nga makakahabol pagsumiter han mao nga SOCE an mga dumalagan ha magkadirudilain nga posisyon ha syudad han nakalabay nga piniliay.
Utro nga ginpahinumdom ni Atty. Dadulla nga tanan han mga kandidato han piniliay, nagdaog man o waray, in kinahanglan nga magsumiter hin SOCE labot nala han mga nagfile hin certificate of candidacy (COC) pero nagwithdraw hin kandidatura san-o an Marso 25 yana nga tuig o an tinikangan han election campaign period.
An hin-o man nga kandidato nga dire magsusumiter han iya SOCE in maatubang ha pira nga mga legal consequences sugad han administrative penalties.
