TACLOBAN CITY – Nagin makapamilya nga serebrasyon an pagsalin-urog han komemorasyon han Ika-11 nga anibersaryo han Super Typhoon Yolanda dida han nakalabay nga Nobyembre 8.
Sumala kan Tacloban City Tourism Operations Officer-In-Charge Ma. Lumen Tabao nga kadam-an han mga umatender yana nga tuig in an mga pamilya han mga biktima nga kun diin, naningkamot gihapon an mga ini gumawas ha ira mga panimalay agud maki-urusa ha mao nga anibersaryo.
Dugang hini nga kun dida han nakalabay nga tuig in nagin malipayon ngan magarbo an pagsalin-urog han nasabi nga komemorasyon, yana in nagin simple pero makapamilya naman an selebrasyon.
Tikang dida han kulop hiton Nobyembre 7 kun diin gindumara an misa ha Anibong Shipwreck Memorial kutob han pag-sindi han mga kandila dida han kulop han Nobyembre 8 ha Plaza Rizal in nakiparte an kag-anak, asawa, mga anak, ngan kasangkayan han mga biktima ni Bagyong Yolanda.
Samtang sumala naman kan Tabao nga nagin malinampuson naman an pagdumara han mga aktibidades han mao nga komemorasyon.
