TACLOBAN CITY – Usa daw nga pagpapamatuod ha padayon an pag-usawag han syudad han Tacloban an nakatalaan nga pag-operate han Grab ha syudad.
Sumala kan Jack Uy, Presidente han Tacloban Filipino Chinese Chamber of Commerce, nga an pagsakob han Grab Philippines ha syudad in nangangaruyag signgon la nga progresibo an Tacloban.
Ini daw in pabor ha pan-negosyohan ha syudad ngan sugad man pabor gihapon ha mga manarakay o mga pasaheros.
Pinaagi hini in mas makakapili pa an mga pasaheros ha ira karuyag nga sarakyan.
Samtang, gintagan liwat hin duon ni Uy nga kadungan hini nga pagsakob han Grab ha Tacloban in mayda ini epekto ha dalagan han trapiko ha kakarsadahan sanglit kinahanglan nga magkaada hin aksyon an mga hintutuinan nga masolbar ini.
Usa ha posible daw nga solusyon hini sumala kan Uy, an pagphase out han mga sarakyan nga sobra na 20 katuig.
