TACLOBAN CITY – Ha nagpapadayon nga pagselebrar han kapatrunan han bungto han Palo pinaagi han mga magkadurudilain nga mga aktibidades nga ginbubuhat ha mao nga bungto, in panuyo han Lokal nga Panggobyernuhan nga igpakita ngan igparayaw an talento han mga Palon-on ngan pati na gihapon an Culture and the Arts ngadto ha mga magbirisita ha mao nga bungto.
Sumala kan Palo, Leyte Mayor Remedios Matin Petilla nga natuo hiya nga an talento han mga Palon-on in kaangayan tagan hin entablado agud nga maipakita ngan maiparayaw ini ha bug-os nga kalibutan sanglit yana nga ika 193rd Palo Day Celebration in mas pokus nira ngan magin highlight an mga ini.
“An atun manggud, why should we not enjoy what we have? Why would we spend so much nga para ha iba nga makanhi? Naiiba kita usahay, an akon idea man liwat is let’s also learn to enjoy what we have in our own ways, all our celebrities nga aanhi dinhi. We can be proud of them.” yakan ni Petilla durante han presscon.
Ha iginpagawas nga Schedule of Activities in lakip ha magigin paisan-isan o kumpetisyon in amo an Hip-Hop Competition, Siday Competition, Vocal Duet Competition, Tinikling Dance Competition ngan pati gihapon an pasalida pagpakita han mga talento han Palon-on pinaagi naman ha Palo Food Heritage Festival, Enchanting Palo Night featuring Palo Culture and Arts Organization (PCAO) ngan Shadow Arts Theater Organization (SATO), Palo Agri-Aqua Trade & Livelihood Fair, Gay Pride (Lip Sync), Palo Night Market ngan iba pa.
“Why would we spend so much for celebrities that don’t even know what we are, makanhi dinhi makanta, malakat. Di ngani maappreciate kun ano it atun dinhi kun ano an atun mga igpaparayaw dinhi.” pagdugang pa ni Petilla.
Dugang pa ni Petilla nga target manggud niya nga himuon an bungto han Palo kumo Culture hub of Eastern Visayas in labi na nga kinahanglan daw nga maipreserve an kultura, tradisyon ngan heritage han mao naman nga bungto.
“I think we should relay to the people nga things that are here kay dapat la ig appreciate natun and we should feel proud that we have these singers, that there are children who can make siday and expressing the culture of the town or the events that happened the long time ago but still celebrated until now. Kun an usa nga bata makasugad hitun, dire ba kamo hitun naruruyag?” pag eksplikar pa ni Petilla.
An bungto han Palo in mayda gintatawag nga 4P’s han Palo nga kun diin, amo ini an mga ginsasalin-urog ngan ginseselebrar han bungto kada tuig sugad han Pamalandong, Patron, Pagbalik, ngan Pasko ha Palo.
Umabot naman ha P2-M an ginalutaga nga budget han LGU para han pagselebrar han Patron ha Palo.
“Iba-iba man it mga karuyag han mga tawo, pero an akon la dinhi ha Palo, I should be an instrument of bringing back culture and the arts and heritage natun back to where we are now because kun diri natun itun bubuhaton, who will? Waray man. Nawawara na an siday, nawawara na an tinikling, nga dinhi gud ito ha Leyte. Nawara na an koracha” yakan pa ni Petilla.
Nag abre an Nightly activities ha Palo Pag-Ibig Plaza dida han Hulyo 27, 2023 ngan nakatalaan naman mahuman ha Agosto 5, 2023 pinaagi naman han Disco at the Plaza ngan an Grand Fireworks Display.
