NATIONAL – Iginmando ni Senate Committee on Public Works chairman Senator Ramon Revilla Jr. ha Department of Public Works and Highways an dayon nga paglilimpiyo han mga basura ngan mga debris nga nagsasarang ha mga karsada ngan drainage system nga dara han bagyong Enteng.
Sumala kan Revilla, an mga nagsarang nga debris sugad hiton mga sanga, dahon, ngan mga basura in an nagbabara ha drainage nga nagpapaduroy hiton baha sanglit kinahanglan malimpiyohan dayon.
Doon han senador nga kinahanglan magpabilin nga malimpyo an water-outlets agud dire matirok an tubig ngan madagmit nga magmara an baha ha mga barahaan nga mga lugar.
Kaupod hini in ginmando gihapon ni Revilla an DPWH nga pangitaon an mga dagko nga tarpaulin-bill boards ngan dayon tanggalon kun naruba an mga ini han nakalabay nga bagyo mahitungod nga posible ini makaghatag kadelekaduhan ha mga molupyo kun ini in mahulog.
