TACLOBAN CITY – Nagtikang na kagab-i, Oktubre 31 an pagdamo han mga nabisita ha mga sementeryo kun diin, nagin mahimyang an pagtapo hini.
Nagpabilin gihapon nga mahimyang iton sitwasyon nga sumala han mga otoridad nga naka-estasyon nga waray naman nahipatik nga mga insidente sugad hiton aragway, nahimatay, ngan bisan-ano nga makarima-dima nga mga panhitabo dida han bisperas han pista minatay.
Sumala ha mga molupyo nga bumisita ha sementeryo dida han gab-i, bisperas han pista minatay partikular na ha Holy Cross Memorial ha siyudad han Tacloban, nga an usa nira nga rason in agud makalikay ha paghuru-ot matungod han pag-damo han mga mabisita yana nga adlaw.
Labot la hini in agud makalikay gihapon ha kapaso hiton sirak ngan ha posible nga mga pag-uran ha katungtungan.
Samtang, sumala naman ha mga otoridad nga nakadeploy ha mga sementeryo ha siyudad nga ira mahugot nga ginbabantayan an mga gindadara nga kagamitan han mga nabisita tikang kagab-i.
Mahugot nga igindidire an pagdara hiton mga makokonsidera nga deadly weapons sugad hiton icepick, kutsilyo ngan iba pa nga mga magtarom nga gamit. Gindidire gihapon an pagdara hin makahurubog nga irimnom, videoke o pagdara han speaker nga makakaaringasa ha paghalad hin rosaryo han mga bisita para ha mga tumalikod na ha kinabuhi,
