TACLOBAN CITY– Padayon nga nakikigbisog an pira nga mga negosyante ha Sinirangan Bisayas, nga maitabok an ira mga suplay ngan produkto nganhi he Leyte, tungod na gihapon hine han paghingyad han Calbiga Bridge ngan San Juanico Bridge.
Una hine, nagpatuman hin limitasyon han kabug-at hiton sarakyan nga makakatabok ha may Calbiga Bridge han nakalabay nga semana.
Sumala kan Philippine Chamber of Commerce and Industry Tacloban & Leyte Chapter, Eugene Tan, nga an padayon nga kadelatar han paghingayad han pira nga mga tulay, in nakaka-apekto dire la ha mga negosyante magin ha mga konsumidor, matungod nga may posibilidad nga humitaas an presyo hiton produkto tungod nga makuri nga ma-itabok nganhi ha Leyte an pira nga mga produkto.
Dugang pa ni Tan, kumo usa nga negosyante dako an ira magigin kalugian matungod nga magigin doble iton ira gastos ha pagdara hiton mga produkto dinhe ha Leyte, matungod nga padayon pa nga ginpapaghingyad an San Juanico Bridge.
Mababaruan, nga an Calbiga Bridge in gin-aagian hiton mga produkto nga tikang ha Luzon area, sanglit dako nga kalugian, ngan problema ha mga taga rehiyon 8 an nasabi nga paghingayad.
Nanawagan naman ha mga hintutuinan nga dagmiton an paghingyad han nasabi nga mga tulay, labi na yana nga nagtitikaharani na an holiday season.
