NATIONAL – Kumpyansa an usa nga economic analyst nga dako an tyansa nga magkamayda hin mahinay nga inflation o an kiwa han presyo han mga papliton ha Pilipinas.
Sumala kan Prof. Astro del Castillo han Capital Market Insitute of the Philippines, ini in possible nga mahitabo kun tatagan hin atensyon han gobyerno an programa nga nasuporta ha sector han agrikultura ngan sector han enerhiya ha nasud.
Ginbuhat ni Castillo an pahayag mahuman an nagin notisya han Philippine Statistics Authority nga nagkamayda hin pagdagmit hin inflation rate dida han Hunyo nga 1.4 percent.
Punto pa han eksperto nga kinahanglan nga doble iton paningkamot han mga mambabalaud agud maipatuman an mga balaudnon nga magpapakusog ha sector han agrikultura ngan enerhiya.
Sumala pa hini nga ini mangud an maghahatag hin direkta nga epekto ha mga presyo han mga pangunahon nga papliton ha Pilipinas.
