TACLOBAN CITY – Mayda la oras nga ginpapatuman ha pagtugot bahin han pagdudumara hin motorcade han mga politiko ha mga kakalsadahan ha siyudad han Tacloban.
Sumala kan Jobs Lagutan, Head han TOMECO Traffic Engineering and Facilities Management Division, igintutugot tikang ha alas 9 hiton aga an pagdudumara hin mga motorcade o caravan han mga pulitiko ha kakarsadahan han syudad.
Dugang pa hini nga an ngatanan nga mga aktibadis nga pagbubuhaton han mga ini in kinahanglan magsunod ha mao nga oras bisan ha ano nga adlaw.
Waray naman limit ha kadamo han mga maatendir nga mga sarakyan ha mga motorcades pero ugsa pa man magtikang an mao nga aktibidad in ginpapakianhan na hiton buhatan kun pira an estimated nga ihap han mga sarakyan nga matambong.
Ini in agud ma-istudyuhan an ihap han mga mabulig nga sarakyan para ha mahapsay ngan mahimyang nga motorcades o caravans sugadman malikayan an pagbugiot han trapiko ha kakarsadahan han syudad.
