TACLOBAN CITY – Kinahanglan daw nga mga fully vaccinated la an tutugutan nga makasakob ha mga venues kun diin pagdudumaraon an face-to-face graduation han mga eskwelahan.
Sumala kan Dir. Maximo Aljebe, Regional Director han CHED Regional Office 8, depende kun ano nga alert level status nakapailarom an usa nga lugar ha gintutugot nga kapasidad han mga maantindir ngan masakob ha mga venues.
Samtang, mayda na gihapon hira bag o nga guidelines ha mga eskwelahan nga karuyag makapagdumara hin limited faceface-to-face classes.
Kinahanglan la han mga ini nga mag-submitt hin deed of undertaking ha ira pamunuan agud ira dayon ma-validate pananglitan man nagsunod an mga ini han ira mga aludayday.
Naglalaum naman an mao nga opisyal nga deri na unta bumalik ha pagkakamayda hin surge han COVID-19 ha rehiyon 8 agud magparu-padayon na an mga pag-implementar han face-to-face classes sugadman an face-to-face graduation.
