TACLOBAN CITY – Igin kamatay han maabot ha 14 katawo an nahitabo nga pagbuto han mga pager ngan two-way radio o walkie talkie ha Lebanon.
Sumala kan Beirut, Lebanon Bombo International News Correspondent Bellarosa Versoza, dida han nakalabay nga Martes in syahan nga bumuto an mga pager kun diin amu daw ine an gingagamit nga internal way of communication han mga membro han Hezbollah, samtang dida naman han Myerkules, in an mga walkie talkie liwat an sunod nga ginpabuto.
Dugang pa hine, sobra 2,000 an nahipatik nga nasamaran ngan sobra 200 an ada ha kritikal nga kabutang.
Kaupod daw gihapon ha mga namatay an ha pagbuto han pager an usa nga anak han leader han Hezbollah nga hi Hassan Nasrallah pero waray daw ine ginpagawas ngan mga local media la ha Lebanon gumawas an nasabi nga balita.
Sumala pa daw ha mga istorya, ugsa mahitabo an pagbuto han mga pager in na-inform daw an mga doktor han American University of Beirut Hospital sanglit waray daw an mga ine kabiktima ngan talwas an mga ine.
