Ginklaro han tagapagyakan han impeachment court nga hi Atty. Regie Tongol nga maiha na nga naka-andam an desisyon han impeachment court kasumpay han pagkuha han bank ngan tax records ni Vice President Sara Duterte.
Gineksplikar hini nga dida han siyahan pa la nga adlaw han trial in andam na nga magpagawas hin desisyon hi Senate impeachment court presiding officer Sen. Francis “Chiz” Escudero kasumpay ha hangyo han House prosecution panel agud ipa-subpoena an mga bank records han Bise Presidente.
Sugadman, gin-ugsod laanay ini mahuman humangyo an prosecution panel hin panibag-o nga subpoena ngan humangyo naman an depensa hin higaon makita an pag-subpoena. Mahitungod hini, nagbuhat laanay hin oral arguments ugsa dayon nagpagawas hin desisyon an korte.
Sakop han desisyon nga makakuha an bank records, Anti-Money Laundering Council records, ngan pira nga tax records ni Vice President Duterte nga an iya asawa nga hi Atty. Manases Carpio.
Samtang, ginmalatumat ni Tongol nga igpapagawas an subpoena ha mga kaangayan nga ahensya. Ginklaro hini nga kinahanglan pa an permiso han Presidente ugsa maipagawas han Bureau of Internal Revenue an tax records han Bise Presidente.
