TACLOBAN CITY – Ginkikita nga usa nga dako nga ayat nga ginka-atubang han mga magturutdo an pag-rekober han “learning losses” han edukasyon, dida han pagbalik na han face-to-face classes tikang ha COVID-19 Distance Learning.
Sumala kan Jasmin Francisco-Calzita, Information Officer han Department of Education Regional Office Vlll, nakurian an mga teachers ha pag-rekober dida han pagbalik na hiton in-person classes han mga eskwelahan dida han nakalabay nga tuig.
Dugang pa ni Calzita nga doble an nagin effort han mga teachers ha pag-aandam han mga learning materials, pagtututdo hiton mga leksyon, agud nga marekober an ira mga learning losses ha ira mga estudyante ngan mapaupay pa iton literacy ngan numeracy skills han mga estudyante ha guitay nga panahon.
Ha pagkayana, ginkikita nga hinay-hinay na nga nakakabakdaw ngan nakakag-adjust iton mga magturutdo ha paghahatag nira hin dekalidad nga edukasyon para ha mga istudyante. .
