TACLOBAN CITY- Guinkakasubo han mga taga Manicani Island ha Guiuan, Eastern Samar an pag reject han Commission on Appointments (CA) kan Department of Environment and Natural Resource (DENR) Sec. Gina Lopez.
Sumala ha usa han mga residente han Manincani nga hi Rebecca Gastajo, nga nakakapanluya an nahitabo kan Lopez mahitungod nga amo la ini an may tinuod nga adbokasiya ha pagpakaupay han kalibungan kumpara han nakalabay nga mga sekretary han DENR.
Dugang pa ni Rebecca nga posible nabayaran han mga nagtatag-iya han dagko nga mining company an pira nga magbaralaud agud la nga mareject hi Gina Lopez.
Mababaruan nga usa an Manicani Island han mga lugar kun diin nag-ooperate an pira nga mining company, butang nga guinkakabaraka ha mao nga lugar an posible nga maraot nga epekto hini ha kalibungan.
