TACLOBAN CITY – Kasumpay ha ika 40 katuig han Youth Leadership Excellence Awards (YLEA) in gin dumara an usa nga prestihiyoso nga pasidungog ngan pagkilala ha mga estudyante tikang ha iba-iba nga mga pampubliko nga eskwelahan ha syudad hiton Tacloban dida han nakalabay nga adlaw, Mayo 31, ha pangunguna han JCI Tacloban Love Inc.
An mao nga aktibidad in gin tawag nga Youth Leadership Excellence Award Summit ngan may tema nga “Honoring Achievements, Inspiring Future Leaders” kun diin, 35 nga mga graduating students tikang elementary, junior high school ngan senior high school an napili nga tagan hin pasidungog han organisasyon.
Sumala kan JCI Tacloban Love President Mary Rose Paran in an panuyuan han nasabi nga aktibidad in tagan hin importansya ngan pagkilala an mga efforts han estudyante nga nag e-excel diri la ha ira pag aram academically kundi pati na gihapon ha ira mga gin bubuhat para ha kumunidad.
Dugang pa hini, pinaagi hini nga aktibidad in gin aaghat han mao nga organisasyon an mga kabatan-onan nga magpadayon pa pag hatag hin dungog ngan pagbabago ha ira mga tagsa-tagsa nga eskwelahan.
Pahinumdom pa hini ha mga estudyante in an pagiging leader ha eskwelahan o kumunidad in diri la nagtatapos ha usa nga ngaran hin posisyon kundi kinahanglan hini nga mag hatag hin inspirasyon, pagbabag-o ngan tumong ha mga kinabuhi han mga ma sunod pa nga mga henerasyon han kabatan-onan.
Gin aandam naman han mao nga organisasyon an call to action nga “Drive to Thrive” sugad man an “Bags to School” nga paghihimuon yana nga Hunyo kasumpay hiton tidaraon nga pag aabre hiton klase yana nga S.Y. 2025-2026. (via Bombo Niña Magpili)
