Iginpahayag ni Presidente Ferdinand R. Marcos Jr. an usa nga importante nga desisyon nga may paghisumpay ha pondo han Philippine Health Insurance Corporation (PhilHealth).
Sumala ha Presidente, an pondo nga nagkakantidad hin P60 bilyon, nga syahan nga gin alutaga para ha iba nga mga proyekto han gobyerno, in igbabalik na utro ha PhilHealth.
Ine in dako nga bulig agud mapakusog an mga programa ngan serbisyo han ahensya para ha mga Pilipino.
An nasabi nga anunsyo in personal nga ginbuhat han Presidente ha iya pagbisita ha Jose Fabella Memorial Hospital.
Ha iya pagbisita, gintagan-duon han Presidente an importansya han pagpapatuman han zero balance billing program.
Ine in usa nga inisyatibo nga may panuyo nga buligan an mga pasyente nga dire na kinahanglan magbayad hin anuman nga kantidad ha ira pagpapa-ospital, labi na an mga membro an PhilHealth.
