TACLOBAN CITY– Purluminos P4.7 bilyon, an na-idistrebwer na han PhilHealth Region 8, para ha benefit claims han mga ospital ha rehiyon.
Sumala kan Miramar P. Zabala, Head of Public Affairs Unit PhilHealth Region 8, nga an nasabi nga kantidad in dire kalakip an bayad hiton YAKAP Program han gobyerno para ha mga ospital naman nga nag avail han nasabi nga programa.
Dugang pa hine, maabot ha kabug-usan 335.55K claims an naka-tagamtam hine tikang ha mga accredited healthcare facilities ha bug-os nga Eastern Visayas.
Ha lain nga bahin, mayda pa hira gin pro-proseso nga mga claims kun diin maabot ine ha ha 20K claims an nagpapamulat ngan nagkakantidad naman ine hin P300-M, kun susumahon purluminos P5-B na naipapandistribwer han ira buhatan yana nga bulan hiton Hunyo presnete nga tuig ha mga accredited hospital.
Ginlalauman naman han ira buhatan, nga posible umabot hin P10-B an ira maihahatag nga mga benefits claims, ha accredited hospital ha bug-os nga tuig 2026.
