TACLOBAN CITY – Padayon nga ginbibiling han mga otoridad an mga suspek ha pagsunog han tulo nga units hin heavy equipment nga nakaparada ha national highway han Brgy. Tangnan Carigara, Leyte.
Ha inisyal nga imbestigasyon han mga kapulisan, tulo nga diri pa nakikilal-an nga mga suspek an intensyunal nga nagsunog ha Asphalt Paver, Tandem Pison, Pneumatic Roller nga gintatag-iyahan han BM Construction.
Sumala kan Police Chief Inspector Refrando Castila, hepe han Carigara PNP, nga may narekober hira nga kahoy nga may ginbutangan hin dugnit ngan petrolyo kun diin posible nga amo ini an ginamit para suritan an mao nga mga equipment.
Maabot ha 4.4 million an kantidad han danyos han mga nasunog nga kagamitan.
Samtang, waray naman nahipatik nga samaran ha mao nga insidente.
Ha pagkayana in padayon an gindudumara nga follow up investigation agud nga maaresto an mga responsable ha mao nga krimen.
