NATIONAL NEWS – Nababaraka hi Senador Joel Villanueva nga bangin ig-veto ni Pangulo Bongbong Marcos Jr.
Sumala kan Villanueva, magigin mas masayon ngan mas praktikal kun an P100 nga umento han sweldo ha pribado nga sektor nga iginpasa han Senado in aprobaran han Bicameral Conference Committee.
Sumala pa han Senador nga kinahanglan timbangon an ngatanan nga aspeto tungod kay posible nga iginduduso han Kamara an P200 nga umento ha sweldo agud nga ma-veto ini han presidente ngan diri na umagi an P100 nga sweldo.
Karuyag ni Villanueva nga makita an basehan han Kamara nga pag-aram han P200 wage hike, labi na gud kun kaya ba ini han mga agaron.
Ginmalatumat hann magbabalaud nga dida han bersyon han Senado, umagi ini hin pag-aram ngan konsultasyon ha ngatanan nga mga agaron ngan mga sektor.
