Nanawagan hi House Deputy Speaker ngan Trade Union Congress of the Philippines (TUCP) Party-list Representative Raymond Democrito Mendoza kan Presidente Ferdinand “Bongbong” Marcos Jr., nga sertipikahan nga urgent an panukala nga balaod para ha P200 nga umento ha inadlaw nga sweldo han mga empleyado ha nasud.
Apela ni Mendoza kan Presidente Marcos, dire na hulaton pa an magigin desisyon han regional wage board ugsa mahuman an presente nga tuig.
Gintudlok ni Mendoza an pag-ubos han panginano han International Monetary Fund ngan Asian Development Bank has magigin pag-ursa han aton ekonomiya yana nga tuig.
Sumala pa kan Mendoza, dako an maibubulig ha nagtitikahinay nga dalagan han aton ekonomiya kun papakusgon an kapas nga gumastos han kada pamilya nga Pilipino.
Duon pa ni Mendoza, ha duha katuig nga nasasalin ha administrasyon ni PBBM in dire igselebrar an klasipikasyon han Pilipinas kumo upper-middle-income country kun diin ini maaabat ngan matatagamtaman han mga empleyado nga Pilipino.
