TACLOBAN CITY– Ginmalatumat hin Tacloban City Agriculture Office, nga nagpapadayon an pamaligya hiton tag-20 per-kilo hiton bugas ha syudad.
Sumala kan Romelo Anade, Head City Agriculture Office, andam na an mga bodega nga nakatalaan nga butangan hin sobra 2,800 nga igdedeliver ha ira opisina.
Dugang pa ni Anade, nakatalaan ine nga igdeliver ha ira yana nga semana, ngan pananglitan mahuman ine ha dagmit nga panahon, dayon naman ine nga igpapandistrebwer ha mga nagpaka-cluster nga barangay hiton syudad.
Magtitikang naman an ira roll-out, tikang ha North to South hiton syudad vice versa.
Pananglitan naman nga maubos an nasabi nga stock hiton bugas, in dayon hira nga mapalit agud nga magparu-padayon an distribution kutob Disyembre yana nga tuig.
Para ha mga dagko nga barangay, in dire an mga ine igsasakob ha clustering, samtang an gugtiay nga barangay asya naman an nakatalaan nga ig-cluster agud nga maka-avail an ngatanan han tag P20-per kilo nga bugas.
