TACLOBAN CITY – Nakatalaan nga ig rollout han Tacloban City Agriculturist Office an P20 kada kilo nga bugas yana nga maabot nga Mayo 14 ha syudad han Tacloban.
Target han tag-P20 kada kilo nga bugas an mga kablas, 4Ps beneficiaries, Persons with Disabilities (PWDs), ngan senior citizens, ngan iba pa.
Sumala kan Tacloban City Agriculturist Office Head, Romelo Anade, ada la ha mil nga benepisyaryo an inisyal nga makakapalit ha rollout han P20/kilo nga bugas.
Gin sigurado naman ni Anade nga dire la ha Mayo 14 an ira pagbaligya han nasabi nga bugas mahitungod nga magkakamay-ada pa hira hin pagbaligya ha iba liwat nga adlaww.
Kinahanglan naman magpa-rehisto anay ugsa kumadto han pag-rollout han bugas kun diin pwede naman pesonal nga bumisita ha buhatan han TCAO agud magparehistro.
Maabot naman ha 10 kilos an pwede ma-avail han kada household.
Samtang, subay ha National Food Authority, may-ada suprisyente nga suplay han bugas nga pwede mapalit han kada-Local Government Unit agud magdumara hin rollout han P20 kada kilo nga bugas.
