TACLOBAN CITY – Ginaprubaran han Tacloban City Council an supplemental Annual investment Program (AIP) nga maabot P127 million para buligan an city government ha pagkontra han coronavirus disease.
Dida han nakalabay nga regular nga sesyon han Sanguniang Panglungsod in ginapprobaran an supplemental Annual Investment Program (AIP) para ha 2020 nga maabot ha P134,033,414.24,kun diin P127,533,414.24 in nakaalutaga para ha Tacloban COVID-19 Disaster Preparedness, Response and Mitigation Program.
Sumala kan Tacloban City Vice Mayor Jerry Yaokasin nga an mao nga alokasyon in matungod ha request ni City Mayor Alfred Romualdez.
Ginaprobaran gihapon han city council an memorandum agreement ha lima nga mga hotel ha siyudad nga gingamit kumo temporary treatment and monitoring facilities para ha mga pasyente han COVID-19.
An mao nga kasarabutan in kaupod an 328 nga kwarti nga mayda P700 kada gab-e
Dugang pa ni Yaokasin nga padayon la gihapon an pagrenta han mga kwarto han city government kutob mayda pa nagpopositibo dinhe ha siyudad.
