TACLOBAN CITY – Nakiusa an Oriang Womens’ Group kaupod an iba pa nga mga grupo ngan organisasyon tikang ha magkaduru-dilain nga parte nga parte han rehiyon ha gindumara nga halaug nga gios-protesta kakulop nga adlaw, Setyembre 21.
Sumala kan Oriang Womens’ Group Fara Diva Gamalo, an ira gindumara nga aktibidad in pagpapakita han ira kasinahon kontra han nabulgar nga dako nga korapsyon ha nasud.
Dugang pa hine, duro nga nahikalasan an nasud ha duro kadako nga korapsyon nga mayda an mga ahensya han gobyerno, sanglit angay la nga mangalas ngan masina an mga Pilipino.
Labot ha korapsyon ha flood control projects han Department of Public Works and Highways, igin panawagan gihapon han mga ine an kakulangan hin pondo para ha edukasyon, kawaray subsidiya para ha mga parag-uma, sugadman an kakulangan hin subsiya ha sektor han panlawas, ngan damo pa.
Ginbuhat manggud han nasabi nga grupo an ira pag-protesta ha atubangan han opisina han Tingog Party-list nga ginmamanguluhan ni anay House Speaker Ferdinand Martin Romualdez.
