TACLOBAN CITY – Nakiusa an asosasyon han Oriang Women’s group ha gindumara nga gios-protesta hiton usa nga mobilisasyon nga ginmanguluhan han Bukluran ng Mangagawang Pilipino ha Metro Manila kasumpay han pag umento hiton sweldo.
Sumala kan Fara Diva Gamalo han Oriang’s Women’s Group, nga dida han nasabi nga gios-protesta in nagpahayag hira hin hangyo han pagduduso han usa nga balaud nga may panuyuan nga pahitaas-on iton sweldo ha P150 han mga mananarabaho.
Ha luyo hini in hangyo gihapon nira iton mininum wage nga aada ha P750 ha kada mananarabaho nga mga Pilipino ngan pagbasura hiton regional wage board,
Dugang hini nga amo dire pa nanabo an nasabi nga wage increase mahitungod hini nga regional wage board nga amo iton nagdedeterminar kun akos ba hiton usa nga lugar makag-pasweldo hin sugad nga kantidad.
Samtang, gindumara naman an nasabi nga gios-protesta dida han adlaw gihapon han pagsalinurog han National Labor Day.
