TACLOBAN CITY – Ginlunsar han Department of Interior and Local Government (DILG-8) an ‘Oplan Disiplina’ ha siyudad han Tacloban.
Sumala kan Johaness Dorado, Tagmangulo han City DILG ha gindumara nga launching ha may Tacloban City Police Office (TCPO), nga waray diri akos nga himuon basta la kun mayda disiplina an kada tagsa.
Ginpunto han mao nga opisyal nga ini an magigin dako nga ayat han mga gintutuinan nga ahensya amo nga nanawagan hiya ha kada tagsa nga magbinuligay.
Kaupod naman ha ira kampanya an Disaster Preparedness and Resilience, Functionality han Barangay Anti-Drug Abuse Council (BADAC) ngan pag aktibar han Barangay Health Emergency Response Team (BHERT) hilabi na an pagkontra ha pagsarang han COVID-19.
Mababaruan nga labot la ha DILG in kaupod ha gindumara nga launching in amo an mga opisyal han Traffic Operations, Management, Enforcement, and Control Office (TOMECO), ngan Tacloban City Police Office (TCPO).
