NATIONAL NEWS– Ginpakusog pa hiton Presidential Anti-Organized Crime Commission an ira operasyon agud nga mapoypoy an nahurak nga operasyon han POGO.
Sumala kan PAOCC Spokesperson Winston Casio, nga nagpasarang na hira hin operasyon ha mga iligal nga POGO dire la ha Luzon magin ha Visayas ngan Mindanao.
Dugang pa ni Casio, nga subay ha mga operasyon nga ira ginkasa kontra POGO, dire na an mga ine nag-ooperate ha gugti-ay kundi ha mga dagko na nga POGO hubs.
Manunumduman, han nakalabay nga seaman gin-raid han PAOCC an usa nga mega scam hub ha Parañaque ngan Pasay, kun diin ginatos-gatos nga foreign nationals an naaresto.
Aminado an PAOCC nga nakakabaraka an nasabi nga sitwasyon, matungod nga indikasyon ine nga damo pa an nasasalin nga iligal nga POGO ha nasud.
Nagpatapod naman an ahensya nga mas papahuruhugoton nira an ira operasyon agud nga masigurado an hul-os nga pagpapatuman han POGO ban.
