NATIONAL NEWS- Ginbatikos ni Ombudsman Jesus Crispin “Boying” Remulla an sayop nga impormasyon’ nga ginpapasarang ni Philippine Ambassador to the United Kingdom Teodoro Locsin Jr. Kasumpay ha daw pagdakop kan anay Pangulong Rodrigo Duterte.
Gindig-unan han bag-o nga Ombudsman, nga waray natabo nga pan-kidnap ha anay Pangulo, ngan waray natabo nga pagtalapas ha proeseso han balaod han iginpadara ine ha Netherlands para kaatubangon an kaso nga crimes against humanity.
Kun babalikan daw an kontrobersya ha nagin pahayag ni Ambassador Locsin, gin-aresto han International Criminal Court (ICC) an anay pangulo imbes nga kidnapon ine hiton mga Pilipino ngan igtubyan han mga langyawanon.
Mababaruan nga han tuig 2018, gintudlok ni anay Pang. Duterte hi Locsin kumo kalihim han Department of Foreign Affairs, ngan ginbalyuan hine hi anay Sec. Alan Peter Cayetano nga lumusad ha pwesto agud nga dumalagan kumo kongresista.
