TACLOBAN CITY — Nagpapabilin an kahadlok nga gin-aabat han pira nga mga Overseas Filipino Workers (OFWs) ha Southern California mahuman nga bay-ogon an mao nga lugar hin 6.9 magnitude nga linog.
Sumala kan Greg Hayot, tuminongnong han Catarman Samar nga yana in naguukoy ha Ridgecrest Southern California, nga hasta yana in diri daw la gihapon hira kampante nga kumatorog ha sakob han ira mga panimalay tungod han kahadlok nga bangin may sumunod pa nga matabo nga paglinog.
Ha kamatooran daw tungod han iya naabat nga trauma in nagdesisyon hiya nga bumalik nala ha Pilipinas ha masunod nga semana ngan diri na mag ukoy ha mao nga nasud.
Ha pagkayana in damo daw la gihapon nga mga residente han Ridgecrest an nagpapabilin ha evacuation center samtang diri pa nadedeklara nga talwas an ira ginpapan-ukyan nga yana in ginpapailarom ha ocular inspection.
Samtang pira daw gihapon nga mga establishemento an kutob yana in sarado la gihapon tungod han nahipatik nga dagko nga crack ngan iba pa nga danyus durot han makusog nga pagbay-og.
Pamatian ta an pamahayag han usa nga Pinoy ha lugar han California:
