TACLOBAN CITY– Ginkakalipay hiton National Irrigation Administration (NIA-8), an padayon nga patubig ha mga umhanan ngan irigasyon ha rehiyon.
Sumala kan National Irrigation Adminstration 8, Engineering and Operation Division Manager, Engr. Jojo Arceño, nakagtikang na hira han terminal irrigation han nakalabay nga bulan hiton Setyembre.
Dugang pa ni Engr. Arceño, nakagtikang na gihapon hira pag-harvest hiton humay, kun diin ada na ha 14% an na-harvest nga humay.
Ginsigurado naman hine, nga waray problema ha suplay hiton patubig nga gindidistribwer ha mga humayan hiton rehiyon.
Ginmalatumat hine nga an peak hiton harvest time in ada ha urhi nga semana hiton Setyembre ngan ika-duha nga semana naman hiton October.
Ginhihingita naman hine, nga ada ha 49% an ma-haharvest nga humay kutob ha ika-duha nga semana han presente nga bulan.
