TACLOBAN CITY – Ginpatapod han National Housing Authority (NHA) Regional Office 8 nga matatagan hin permanent housing program an ginatos-gatos nga mga pamilya nga biktima han landslides ha Baybay City ngan Abuyog, Leyte.
Sumala kan Engr. Constancio Antiniero, Regional Manager han NHA 8, ha pagkayana in padayon an ira pakipagsumpayan ha Office of Civil Defense (OCD) Regional Office 8 agud nga matudlok kun pira an kabug-usan nga ihap han mga pamilya nga magiging benepisaryo o matatagan hin pabahay.
Ha pagkayana gihapon in mayda na identified sites an Baybay ngan Abuyog kun diin igtitindog an mga housing units.
Nakatalaan naman anay nga panginanuon an mao nga sites han DENR, MGB ngan Phivolcs agud nga mapag-adman kun talwas an mao nga mga lugar para pagtindugan han housing project para ha mga landslide victims.
