-- Advertisements --
NATIONAL – Magtitikang na ha masunod nga Domingo an pandestribwer han National Food Authority nga mga bugas ha Kadiwa store ngan ha mga pira nga mga merkado.
Sumala ha NFA Administrator Larry Lacson, nga agud magkamayda han espasyo an mga bodega han NFA matungod ha nagtitikahirani na an panahon han pangarab in ira ginibanan an mga contents han mga ini.
Pira ha mga bodega nga ira i-ibanan in ha Ilocos Region, Cagayan Valley, Central Luzon, Western Visayas ngan SOCCKSARGEN.
Dugang pa hini nga an mga daan nga stock han bugas in maibabaligya nira hin P29 kada kilo nga ini in ekslusibo nga ginbabaligya ha senior citizen, persons with disabilities, solo parents ngan mga beneficiaries han Pantawid Pamilyng Pilipino Program.
