TACLOBAN CITY – Damo nga parag-uma hin humay ha rehiyon an naglalaum nga mapapalit an ira humay ha hitaas nga presyo yana nga katbari.
Padayon naman an pamalit han National Food Authority Regional Office 8 hin humay ha mga parag-uma ha hitaas nga presyo.
Ada naman ha P27 kada kilo an presyo han mamara ngan malimpyo nga humay ha Northern Samar. An nasabi nga presyo in epektibo tikang dida han Abril 27 kutob Mayo 3.
Sumala kan National Food Authority Regional Office 8 Regional Manager, Jasmin Lintag, panuyo han ira padayon nga pamalit in agud mayda stock an ahensya ha panahon han kalamidad ngan ha pagbaligya han P20 kada kilo nga bugas.
Ha iba naman nga probinsya, nadalagan hin P23 ngada ha P27 an kilo han pamalit han humay.
Nagpatapod naman han NFA ha mga parag-uma nga mapapalit an ira mga humay yana nga katbari kun magbabaligya an mga ini.
Pwede naman dumaop ha ira ahensya an maruruyagog pagbaligya han humay.
