TACLOBAN CITY– Ginpaangbit han pira nga mga negosyante ha syudad nga humamubo na an presyo han bugas ha merkado.
Sumala kan Frederick Dy, President han Grains Retailers Confideration Eastern Visayas, nga hapagkayana ada nala an premium rice ha P50-51, kada kilo.
Ginmalatumat naman hine, nga numero uno nga ginkukuhaan hiton suplay han bugas dinhi ha rehiyon in an nasud Vietnam.
Dugang pa ni Dy, usa ha ira ginkakabarak-an an plano hiton National Irrigation Administration nga maghatag hin mga abuno ngan gahi ha mga parag-uma kabalyo hine nga ha ira igbabaligya an mga na harvest nga humay.
Ginpananglitan naman ni Dy, nga kun an NIA o NFA pumalit hin tag P25.00 kada kilo hiton humay, dire ine akos nga makipag tupong ha presyo han mga lokal millers matungod nga an ira akos la in ada ha presyo nga P18- 20 per kilo.
Ginlalauman naman hine, nga posible gumiti-ay an ira mapapalit nga humay inkaso nga magtikang na an harvest season.
